Ալեքսանդր Մանասյան Փիլիսոփայության դոկտոր, Հայաստանի ԳԱԱ թղթակից անդամ
1988 թ. ամռանը, երբ Ստեփանակերտում և Երևանում «Միացում» կարգախոսով թափ էին առել զանգվածային ցույցերը, մի խումբ մտավորականներ նախաձեռնեցին հայաստանաբնակ արցախցիների «Արցախ» հայրենակցական բարեգործական միության հիմնումը: Կազմակերպության հիմնադիր համագումարը տեղի ունեցավ 1988 թ. նոյեմբերի 4-ին, որին ներկայացվեց «Արցախ» հայրենակցական-բարեգործական միության Կանոնադրությունը: Որոշվեց համայնքներում վերջինիս քննարկումներից հետո այն հաստատման ներկայացնել հայրենակցական միության երկրորդ համագումարին, որը տեղի ունեցավ 1989 թ. ապրիլի 14-15-ին թիվ 135 դպրոցում: Համագումարն ինձ ընտրեց միության նախագահ, իսկ Իլյա Միքայելյանին՝ քարտուղար:
Yorumlar